Rit LbhÍ nr. 161

Nytjaplöntur á Íslandi 2023

Yrki, sem mælt er með fyrir landbúnað, gras- og golfflatir, landgræðslu og garðrækt

Varieties recommended for Icelandic agriculture, land reclamation, turfgrasses and greens

Landbúnaðarháskóli Íslands, 2023

Rit LbhÍ nr. 161

ISSN 1670-5785

ISBN 978-9935-512-36-9

Ritstjóri: Þóroddur Sveinsson

Yfirlestur og uppsetning rits: Margrét Jónsdóttir

Ljósmyndir báðu megin á forsíðu: Byggyrki á Hvanneyri, 15 september 2022 (ÞS)

Landbúnaðarháskóli Íslands starfar á sviði sjálfbærrar auðlindanýtingar, búvísinda, umhverfisvísinda, skipulagsfræði og matvælaframleiðslu á norðurslóðum. Fagfólk skólans nýtur akademísks frelsis og hefur sjálfdæmi við val á viðfangsefnum, túlkun niðurstaðna og birtingu þeirra, innan ramma starfsreglna skólans. Hlutverk Rits LbhÍ er að miðla faglegri þekkingu en það er ekki ritrýnt. Efni hvers rits er á ábyrgð höfunda og ber ekki að túlka sem álit Landbúnaðarháskóla Íslands.

Formáli

Nytjaplöntur á Íslandi er árlegt rit sem komið hefur út um langt árabil, upphaflega hjá Rannsóknastofnun landbúnaðarins (RALA) en frá 2005 hjá Landbúnaðarháskóla Íslands (LbhÍ). Í ritunum eru skráðar tegundir og yrki til ræktunar í landbúnaði, uppgræðslu, útigarðyrkju og grasflatir á Íslandi. Árgangarnir á þessari öld eru aðgengilegir á heimasíðu LbhÍ; https://www.lbhi.is/skolinn/rannsoknir/utgefid-efni

Á listunum eru yrki af hverri tegund sem hafa reynst best í skipulögðum tilraunum hér á landi. Þetta á sérstaklega við fjölær fóðurgrös og kornyrki til þroska. Grænfóðuryrki á lista hafa flest verið prófuð í tilraunum hér á landi en ekki endilega eins mikið eða skipulega eins og korn- og túngrasayrkin. Þá geta verið yrki á listanum með góða og langa reynslusögu hér á landi en hafa ekki verið prófuð í skipulögðum tilraunum. Einnig er horft til niðurstaðna yrkjaprófana í Skandinavíu við val á listana.

Eins og fyrr markast listinn talsvert af því hvað yrkjaprófanir í mörgum tegundum eru stopular eða engar. Fyrir því liggja nokkrar ástæður en einnig er í mörgum tegundum mjög takmarkað framboð af nýjum yrkjum sem henta við íslenskar aðstæður. Einna helst hefur það bitnað á tegundum til landgræðslu, garðyrkju (grænmeti og ber), iðnaðar og fyrir grasflatir þar sem litlar sem engar breytingar hafa verið listanum um árabil

Fyrir árið 2023 hefur verið bætt við nokkrum yrkjum frá listanum í fyrra eða; 3 í vallarrýgresi, 1 í grænfóðurhöfrum, 1 í vetrarrepju (grænfóður) og 2 í fóðurertum (var gráertur). Þá eru tvö yrki kynnt til sögunnar í tveimur nýjum tegundum á nytjaplöntulistanum. Það eru annars vegar hestabaunir sem einnig ganga undir nafninu bóndabaunir og hins vegar refasmári Einnig hafa lýsingar á tegundum og yrkjum víða verið uppfærðar.

Hafa skal í huga að sumar tegundir á listanum getur verið áhættusamt og erfitt að rækta við íslenskar aðstæður og uppskerugeta er mjög breytileg milli tegunda. Þegar skrifað stendur að ákveðin yrki eru uppskerumikil er átt að við að þau gefi meiri uppskeru en önnur yrki sömu tegundar. Það kemur einnig betur fram í lýsingu á tegundunum í hverjum kafla.

Höfundar yrkjalista:

Guðni Þorvaldsson (túngrös, landgræðsla, gras- og golfflatir)

Helgi Jóhannesson, Ráðgjafarmiðstöð landbúnaðarins (útigrænmeti)

Hrannar Smári Hilmarsson (korn, grænfóður)

Samson Bjarnar Harðarson (ber)

Þóroddur Sveinsson (túngrös, korn, olíuplöntur, grænfóður og heilsæði)

Þóroddur Sveinsson ritstjóri

Efnisyfirlit (Index)

Fjölærar fóðurjurtir í túnrækt (Perennial forages for cultivated pasture)

Ræktun fjölærra fóðurjurta er ráðandi í landbúnaði á Íslandi með yfir 90% flatarmálshlutdeild.

Vallarfoxgras (Phleum pratense)

Vallarfoxgras er lang eftirsóttasta grastegundin í túnrækt hér á landi. Það er mjög gott fóðurgras, fer snemma af stað á vorin, gefur mikla uppskeru í fyrsta slætti en lakari endurvöxt en flestar aðrar grastegundir. Það er ágætlega svellþolið en viðkvæmara en ýmsar aðrar grastegundir að vera slegið snemma fyrir skrið. Það þolir illa mikinn ágang gæsa og álfta á vorin sem kemur niður á uppskeru og endingu

Adda LbhÍ Sprettur vel fyrri hluta sumars, en lítið eftir fyrsta slátt. Mjög vetrarþolið. Ekki til á markaði lengur.

Engmo Gram. Norskt staðaryrki. Mjög vetrarþolið og gefur góða uppskeru í fyrri slætti en sprettur lítið eftir fyrsta slátt.

Grindstad TG Uppskerumikið og gefur meiri endurvöxt en norðlæg yrki, en vetrarþol ekki eins mikið og hjá þeim þolnustu. Það hentar því síður þar sem mikið reynir á vetrarþol.

Gunnar Gram. Uppskerumikið og líkist Grindstad en gefur meiri endurvöxt og uppskeru ef slegið snemma.

Hertta Bor. Uppskerumikið og vetrarþolið, svipað og Tuukka.

Jonatan SW Ágætlega vetrarþolið. Uppskerumikið og gefur þokkalegan endurvöxt.

Korpa LbhÍ Mjög vetrarþolið. Sprettur vel fyrri hluta sumars, en lítið eftir fyrsta slátt. Ekki til á markaði lengur.

Lidar Gram. Uppskerumikið og gefur meiri endurvöxt en norðlæg yrki, en vetrarþol ekki eins mikið og hjá þeim þolnustu. Það hentar því síður þar sem mikið reynir á vetrarþol.

Liljeros Gram. Með svipað vetrarþol og Lidar og ágætlega uppskerumikið. Gefur meiri endurvöxt en norðlægu yrkin.

Noreng Gram. Yrki fyrir N-Noreg og er ætlað að leysa Engmo af hólmi. Vetrarþol ágætt en varla eins gott og hjá bestu norðlægu yrkjunum. Sprettur sæmilega eftir fyrri slátt.

Nuutti Bor. Samkvæmt finnskum rannsóknum gefur það heldur minni uppskeru en Grindstad. Það hefur hins vegar gefið svipaða uppskeru og Grindstad í tilraunum hér á landi og heldur meiri endurvöxt en norðlægu yrkin. Vetrarþol er betra en hjá Grindstad.

Rakel SW Uppskerumikið og gefur meiri endurvöxt en norðlæg yrki, en vetrarþol ekki eins mikið og hjá þeim þolnustu. Vetrarþol er þó betra en hjá Grindstad. Það hentar því síður þar sem mikið reynir á vetrarþol.

Rhonia Bor. Uppskerumikið og vetrarþolið.

Rubinia Bor. Í hópi uppskerumestu yrkja. Vetrarþol er einnig gott.

Snorri LbhÍ Afrakstur samnorænna kynbóta. Valdar plöntur héðan og úr nyrstu héruðum grannlandanna. Mjög vetrarþolið, nokkuð uppskerumikið en gefur minni endurvöxt en mörg önnur yrki

Tenho Bor. Gaf heldur meiri uppskeru en Snorri í tilraunum hér á landi en minni uppskeru en Grindstad. Í finnskum rannsóknum gaf það betra fóðurgildi en Grindstad. Vetrarþol ágætt.

Tryggve SW Ágætlega vetrarþolið en þó ekki eins og bestu yrkin. Uppskera er einnig minni en hjá uppskerumestu yrkjunum.

Tuukka Bor. Gaf heldur meiri uppskeru en Snorri í tilraunum hér á landi en minni uppskeru en Grindstad. Í finnskum rannsóknum hafði það betra fóðurgildi en Grindstad. Vetrarþol gott. Finnar telja það með vetrarþolnari yrkjum við sínar aðstæður.

Uula Bor. Vetrarþolnast af finnsku yrkjunum samkvæmt finnskum niðurstöðum. Hefur einnig reynst mjög vetrarþolið hér. Fóðurgildi mjög gott samkvæmt finnskum niðurstöðum og uppskera ágæt

Vega Gram. Uppskerumikið og vetrarþolið. Gefur meiri endurvöxt en sum önnur vetrarþolin yrki.

Vallarrýgresi (Lolium perenne)

Vallarrýgresi er eftirsótt grastegund en líftími þess er stuttur. Það gefur yfirburða uppskeru til að byrja með, mikinn endurvöxt og er mjög gott fóðurgras. Það er ekki eins vetrarþolið og vallarfoxgras Hentar mjög vel í sáðskiptakerfum með korni og grænfóðri Vallarrýgresi getur bæði verið ferlitna (4n) og tvílitna (2n). Ferlitna rýgresi gefur yfirleitt meiri uppskeru og betra fóður en tvíltna yrkin sem eru aftur á móti yfirleitt vetrarþolnari Líkt og vallarfoxgrasið þolir það mjög illa mikinn ágang gæsa og álfta.

Birger (4n) SW Vinsælt hérlendis. Gefur góða uppskeru og er tiltölulega vetrarþolið.

Calibra (4n) DLFT Hefur reynst vel hér á landi og gefur góða og gæðamikla uppskeru.

Fagerlin (2n) Gram. Gaf góða uppskeru á Korpu í þrjú ár.

Fjaler (4n) Gram. Gefur aðeins minni uppskeru en Birger en er endingarbetra

Figgjo (4n) Gram. Gefur svipaða uppskeru og Birger en með heldur betri endingu

Garbor (4n) Gefur svipaða uppskeru og Birger og álíka endingu

Gunne (2n) SW Kom vel út í Korputilraun þar sem það gaf meiri uppskeru en Svea.

Indicus 1 (2n) DLFT Gaf góða uppskeru á Korpu í þrjú ár en vetrarþol takmarkað samkvæmt norskum tilraunum.

Irene (2n) SW Líkist Svea.

Premium (2n) DLFT Gaf góða uppskeru á Korpu í þrjú ár.

Raminta (4n) Er aðeins seinþroskaðra en Birger. Gefur jafnmikla eða meiri uppskeru og er jafn endingargott.

Svea (2n) SW Mjög snemmsprottið og tiltölulega vetrarþolið.

Trygve (4n) Gram. Uppskerumikið í prófunum, nokkuð vetrarþolið.

Ivar (4n) Gram. Hefur reynst heldur vetrarþolnara en Birger.

Hávingull (Festuca pratensis Huds.)

Hávingull hefur mikið verið notaður í Skandinavíu næst á eftir vallarfoxgrasi. Hann er náskyldur og mjög líkur vallarrýgresi, er uppskerumikill og gefur ágætan endurvöxt. Þolir ágætlega frost en er ekki eins svellþolinn og vallarfoxgras. Hávingull er heppilegur til ræktunar í blöndu með rauðsmára, vallarfoxgrasi eða öðrum grastegundum. Hávingull er ágætt fóðurgras.

Ilmari Bor. Uppskerumikið og vetrarþolið.

Inkeri Bor. Uppskerumeira en önnur yrki, sem hér hafa verið prófuð. Vetrarþolið.

Kasper SW Uppskerumikið og vetrarþolið yrki.

Klaara Bor. Uppskerumikið og vetrarþolið yrki.

Norild Gram. Norðlægt yrki. Uppskerumikið og vetrarþolið.

Revansch SW Uppskerumikið og vetrarþolið yrki.

Tored SW Uppskerumikið og vetrarþolið yrki.

Salten Gram. Gamalt yrki, þrautreynt. Uppskerumikið og vetrarþolið.

Valtteri Bor. Uppskerumikið og vetrarþolið yrki.

Vidar Gram. Uppskerumikið og vetrarþolið yrki.

Vinjar Gram. Uppskerumikið og vetrarþolið yrki samkvæmt norskum tilraunum.

Axhnoðapuntur (Dactylis glomerata)

Axhnoðapuntur hefur talsvert verið prófaður í tilraunum hér á landi með misjöfnum árangri. Hann fer snemma af stað á vorin líkt og vallarfoxgras en er ekki eins gott fóðurgras. Axhnoðapuntur er uppskerumikill, gefur góðan endurvöxt, er þurrkþolinn en þolir svell og vorfrost ekki eins vel og vallarfoxgras. Hann skríður ekki í árum þegar vorfrost eru mikil. Axhnoðapuntur er ágengur í samkeppni við önnur grös þar sem hann þrífst.

Apelsvoll Gram. Uppskerumikið og vetrarþolið yrki.

Hattfjelldal Gram. Uppskerumikið og vetrarþolið yrki.

Laban Gram. Uppskerumikið og vetrarþolið yrki.

Luxor SW Uppskerumikið yrki með þokkalegt vetrarþol.

Priekulu 30 Uppskerumikið yrki með þokkalegt vetrarþol.

Regenta DS Uppskerumikið yrki með þokkalegt vetrarþol.

Swante SW Mjög uppskerumikið yrki með þokkalegt vetrarþol.

Vallarsveifgras (Poa pratensis)

Vallarsveifgras er íslensk tegund og með algengustu grösum í túnum á Íslandi. Það er skriðult, myndar þéttan grassvörð og lokar vel eyðum eftir t.d. kal. Það var áður fyrr í flestum grasfræblöndum með vallarfoxgrasi. Það gefur góðan endurvöxt og er ágætt fóður. Það er þó ekki alveg eins lystugt og vallarfoxgras. Vallarsveifgras er mjög harðgert, en er ekki eins uppskerumikið og uppskerumestu fóðurgrösin og þá sérstaklega villt íslensk staðbrigði sem berast í túnin með tímanum.

Fylking SW Lítill puntur, tiltölulega jöfn spretta allt sumarið.

Knut Gram. Mjög vetrarþolið yrki.

Kupol SW Nýtt yrki, sem á að leysa af Sobra. Afar fíngert. Vetrarþol minna en hjá Knut.

Lavang Gram. Mikill puntur, skríður snemma.

Primo SW Gamalt yrki, þrautreynt.

Sobra SW Gamalt yrki, uppskerumikið.

Tágavingull (Festuca arundinacea Schreb.)

Tágavingull hefur lítið verið notaður á Íslandi en notkun hans hefur aukist í nágrannalöndum okkar undanfarið. Þar þykir hann gefa mikla uppskeru og vera nokkuð vetrarþolinn. Hann er einnig mjög þurrkþolinn. Fóðurgildi hans er hins vegar ekki með því besta og fellur hratt. Hann er frekar seinn til eftir sáningu. Í þeim tilraunum sem hér hafa verið gerðar hefur tágavingull verið lakari en okkar bestu grastegundir bæði um uppskeru og vetrarþol.

Swaj SW

Karolina Bor.

Retu Bor.

Háliðagras (Alopecurus pratensis)

Háliðagras er harðgerð og endingargóð tegund þar sem hún á annað borð lifir. Það sprettur og skríður mjög snemma og þarf því að slá fyrst allra fóðurgrasa snemmsumars til að ná ásættanlegu fóðurgildi Mikill breytileiki virðist vera á lystugleika háliðagrass eftir stöðum og yrkjum og er ryðsækið á úrkomumiklum svæðum. Háliðagras gefur mjög góðan endurvöxt eftir fyrst slátt og þolir vel beit en er ekki eins uppskerumikið og bestu fóðurgrösin

Alko BPG Lifir þokkalega og gefur ágæta uppskeru.

Hvítsmári (Trifolium repens)

Hvítsmári er íslensk tegund og sést víða í túnum. Honum er alltaf sáð með grasi og hentar vel í beitartún en einnig tún sem á að nýta til slægna. Það þarf að smita fræið áður því er sáð í nýtt land. Ný yrki sem eru uppskerumeiri en íslenski hvítsmárinn hafa komið á markað á undanförnum árum. Hvítsmári breiðir úr sér með jarðrenglum og á því auðvelt með að auka þekju sína árin eftir sáningu. Hann er ekki uppskerumikill en ágæt fóðurjurt og gefur góðan endurvöxt. Ágætt vetrarþol.

Litago Gram. Blaðstærri en Norstar og Snowy. Nokkuð gott vetrarþol.

Largo Gram. Nýtt yrki. Lítið prófað en lofar góðu.

Norstar Gram. Uppskera þokkaleg og vetrarþol gott.

Snowy Gram. Uppskera þokkaleg og vetrarþol gott.

Undrom SW Gamalt yrki, þrautreynt, en gefur heldur minni uppskeru en Norstar.

Rauðsmári (Trifolium pratense)

Rauðsmári sést víða á Íslandi sem slæðingur frá því honum var sáð í tún á fyrri hluta síðustu aldar. Hann er uppskerumeiri en hvítsmári og gefur góðan endurvöxt og er einnig góð fóðurjurt. Rauðsmári hefur ekki jarðrenglur og hefur því ekki sömu möguleika á að breiða úr sér og hvítsmárinn. Hann hefur hins vegar stólparót og þolir þurrk ágætlega, en er ekki eins vetrarþolinn og hvítsmári. Rauðsmára er sáð í blöndu með grasi. Það þarf að smita fræið áður en því er sáð í nýtt land. Það eru til bæði tvílitna (2n) og ferlitna (4n) yrki af rauðsmára. Ferlitna yrkin eru stærri og uppskerumeiri.

Bjursele (2n) SW Mikið prófað. Ágætlega endingargott og uppskerumikið.

Gandalf (2n) Gram. Nýtt yrki sem lofar góðu bæði hvað varðar uppskeru og vetrarþol.

Saija (2n) Bor. Nýtt yrki sem lofar góðu bæði hvað varðar uppskeru og vetrarþol.

Yngve (2n) SW Ágætlega endingargott og uppskerumikið.

Betty (4n) SW Mikið prófað. Ágætlega endingargott og uppskerumikið.

Lars (4n) Gram. Nýlegt yrki, hefur komið vel út í tilraunum.

Lasse (4n) Gram. Nýlegt yrki, hefur komið vel út í tilraunum.

Lavine (4n) Gram. Nýlegt yrki, hefur komið vel út í tilraunum.

Lone (4n) Gram. Nýlegt yrki, hefur komið vel út í tilraunum.

Torun (4n) SW Nýlegt yrki, hefur komið vel út í tilraunum.

Peggy (4n) SW Nýtt yrki sem lofar góðu bæði hvað varðar uppskeru og vetrarþol.

Lasang (4n) Gram. Nýtt yrki sem lofar góðu bæði hvað varðar uppskeru og vetrarþol.

Selma Bor Nýtt yrki sem lofar góðu bæði hvað varðar uppskeru og vetrarþol.

Túnsmári (Trifolium hybridum)

Túnsmári er ekki eins vetrarþolinn og uppskerumikill og rauðsmári og hvítsmári. Hann gerir hins vegar minni kröfur til jarðvegs, þolir t.d. súrari jarðveg. Það þarf að smita fræið áður en því er sáð í nýtt land.

Alpo Gram. Gefur heldur minni uppskeru en Norstar hvítsmári. Sæmilegt vetrarþol.

Frida SW Gefur heldur minni uppskeru en Norstar hvítsmári. Sæmilegt vetrarþol.

Refasmári (Medicago sativa)

Refasmári hefur verið prófaður af og til hér á landi í tilraunum á síðustu 100 árum með mjög litlum árangri. Hann er eftirsótt fóðurjurt erlendis þar sem ræktunarskilyrði leyfa og er af belgjurtaætt. Það þarf því að smita fræið með Rhizobíum bakteríum líkt og aðrar belgjurtir til að virkja niturnám úr lofti Refasmárinn er uppskerumikill með hátt fóðurgildi en með lítið vetrarþol og algengt að hann drepist strax á fyrsta ári. Nú standa yfir tilraunir með ný yrki sem valin hafa verið með tilliti til vetrarþols og rétt að benda á þau yrki sem hafa þar reynst best fram að þessu (sumarið 2022)

Ludvig Gram. Norskt uppskerumikið yrki sem hefur reynst best það sem af er.

Karlu Eistneskt yrki sem lofar einnig góðu en er heldur lakara en Ludvig.

Grænfóður og heilsæði ( Green fodder and whole crops)

Grænfóður er sundurleitur flokkur einærra fóðurjurta. Að hluta til er um að ræða tegundir, sem að öllu jöfnu eru ætlaðar til fræþroska, en hér á landi notaðar hálfþroskaðar sem grænfóður. Svo er um korntegundirnar, repju, lúpínu og ertur, svo að dæmi séu tekin. Aðrar tegundir eru eingöngu ræktaðar og kynbættar til grænfóðurs, svo sem sumar- og vetrareinært rýgresi. Ekki eru grænfóðuryrki jafn vandvalin og fjölær grös og korn, sem annað hvort þurfa að lifa íslenskan vetur eða ná þroska á svölu sumri.

Heilsæði er að uppistöðu til korntegund sem getur verið ræktað í blöndu með öðrum tegundum grænfóðurs, eins og repju og/eða ertu. Hér á landi er algengast að rækta heilsæði með byggi í blöndu með repju en stundum einnig með ertum.

Grænfóðurbygg (Hordeum vulgare)

Nota má mörg þau sömu byggyrki til grænfóðurs eða heilsæðis og mælt er með til þroska. Einungis þarf að breyta þroskaferli, til dæmis má seinka sáningu fyrir grænfóður og líka oftast ráðlagt að auka áburðargjöf. Hér er þó bent á uppskerumikil og seinþroska yrki, sem hafa verið prófuð aðeins hér á landi og geta gefið heldur meiri uppskeru sem grænfóður en hefðbundnu kornyrkin. Bygggrænfóður þarf að nýta fyrir skrið því að það trénar hratt um og eftir skrið. Bygg er hraðvaxta og er fyrr tilbúið til sláttar eða beitar en einært rýgresi. Það gefur hins vegar munn minni endurvöxt. Bygg í blöndu með einæru rýgresi gefur meiri heildaruppskeru en eitt og sér.

Bygg sem heilsæði er skorið á síðustu stigum kornfyllingar (gulþroskastigi) en áður en kornið nær harðþroskastigi.

Edel (6r) Gram. Seint til þroska, blaðríkt og hávaxið. Sprettur mikið við góða áburðargjöf.

Chigwell (6r) SeCan1 Beinvaxið og breiðblaða og getur gefið talsverðan endurvöxt.

Ponoka (2r) SeCan2 Beinvaxið og breiðblaða og getur gefið talsverðan endurvöxt.

Grænfóðurhafrar (Avena sativa)

Sumaryrki vaxa hraðar en vetraryrki fyrri hluta sumars, en tréna hratt upp úr skriði. Skilin milli sumarog vetraryrkja eru þó óljós. Sumaryrki standa sig venjulega betur en vetraryrki í samkeppni við illgresi. Sumaryrki þarf að slá snemma en vetraryrki mega bíða sláttar fram eftir sumri en slá samt fyrir skrið. Hafrar gefa talsverðan endurvöxt ef slegnir snemma. Líkt og byggið eru hafrar hraðvaxta og fyrr tilbúnir til sláttar eða beitar en einært rýgresi. Þeir gefa hins vegar mun minni endurvöxt. Hafrar í blöndu með einæru rýgresi gefur meiri heildaruppskeru en eitt og sér. Hafrarnir eru harðgerðir og má rækta víðar þar sem jarðvegsskilyrði henta ekki bygginu.

Sumaryrki:

Belinda SW Fremur seint til þroska miðað við sumaryrki almennt. Þaulreynt yrki og mikið notað.

Vetraryrki:

Jalna PBI Yrki að góðu þekkt úr gömlum tilraunum hér á landi og er enn til.

Donna Bor. Ekki fullreynt yrki, skríður seinna en Belinda og gefur jafnmikla uppskeru.

Nike Svipar til Belinda og gefur álíka mikla uppskeru.

Vetrarrúgur (Secale cereale)

Vetrarrúgur er fyrst og fremst ætlaður til vorbeitar áður en túngrös taka við sér. Honum er sáð árið áður í júlí - ágúst, látinn spretta til haustsins og lifa veturinn. Byrjar að spretta mjög snemma og á undan túngrösum. Notaður til beitar í maí og eitthvað fram í júní. Nýtingatíminn er samt frekar stuttur. Einnig má sá vetrarrúg að vori sem getur gefið ágæta uppskeru. Það skríður ekki samsumars sem er mikill kostur.

Riihi Bor. Vetrarþolið yrki, sprettur ört snemma vors, verður gríðarlega hávaxið ef ekki er beitt. Á þá alla möguleika á því að þroska korn

Einært rýgresi (Lolium multiflorum)

Eitt mest ræktaða grænfóðrið hér á landi. Best er að sá einæru rýgresi snemma vors og slá/beita samsumars, venjulega tvisvar eða oftar. Gefur mikinn endurvöxt, eitt grænfóðurtegunda. Það sprettur langt fram á haust og gefur þá góða og lystuga haustbeit. Tvílitna rýgresi er þurrefnisríkara en það ferlitna og hentar því betur í rúlluverkun. Ferlitna rýgresi er aftur á móti heldur lystugra en það tvílitna og er eftirsóttara af beitarfénaði.

Sumaryrki skríða hratt miðsumars og gæta þarf þess að slá/beita frumvöxt fyrir eða um skrið. Vetraryrki skríða seinna og hægar en sumaryrki. Hérlendis lifa þau ekki veturinn nema í undantekningartilvikum og má því telja þau einær. Vetraryrki spretta hægar en sumaryrki í frumvexti en hraðar en sumaryrkin í endurvexti. Vetrarrýgresi getur eftir milda vetur gefið uppskeru árið eftir sáningu. Fóðurgildi vetraryrkja er hærra en sumaryrkja.

Sumaryrki (var. westerwoldicum):

Barspectra Bar. Ferlitna, gamalt yrki og hefur alltaf reynst hér vel. Hávaxið og skríður snemma, gefur líka góðan endurvöxt.

Bartigra Bar. Ferlitna, svipað undanfarandi tegund. Fær þá einkunn bæði hérlendis og erlendis, að það sé ákaflega fljótt af stað eftir sáningu og sérlega öflugt í samkeppni við illgresi. Þarf að slá snemma, en það gefur góðan endurvöxt.

Jivet DLFT Ferlitna sem gefur góða uppskeru.

Lemnos DvP Ferlitna sem gefur góða uppskeru.

Speedyl R2n Ferlitna frekar seinþroska yrki sem er flokkað bæði sem sumar- og vetraryrki. Uppskerumikið í góðum árum.

Swale SW Tvílitna, mjög uppskerumikið, skríður dálítið. Líkur eru á, að þetta yrki gæti hentað vel í rúlluverkun.

Vetraryrki (var. italicum):

Barmultra Bar. Ferlitna, blaðríkt, lágvaxið og skríður seint. Þrautreynt hérlendis og mikið notað um árabil.

Danergo DLFT Ferlitna, kröftugra en undanfarandi yrki, svipar þó til þess að mörgu leyti. Skríður seint sem er kostur

Dasas DLFT Gamalt tvílitna og harðgert yrki sem reynst hefur vel hér á landi.

Malmi NP Ferlitna, mjög vöxtulegt af vetrarrýgresi að vera og kröftugt í samkeppni við illgresi. Skríður dálítið.

Meroa DvP Ferlitna og frekar snemmþroska og skríður.

Turgo DLFT Ferlitna uppskerumikið yrki.

Fóðurrepja (Brassica napus var. oleifera DC)

Fóðurrepja er bæði til sem sumar- og vetrarafbrigði Sumarrepjan er hraðvaxta og blómstrar snemma og missir þá fóðurgildi sitt hratt og hentar því varla sem gott grænfóður. Vetrarrepjan safnar forða sáðárið, en blómstrar yfirleitt ekki nema langvinnt frost geri á sprettutíma. Vetrarrepja er eitt mest ræktaða grænfóðrið hérlendis. Helsti skaðvaldur í repju sem og öðrum káltegundum er kálmaðkur.

Vetraryrki:

Akela JZ Gamalreynt yrki, uppskera í meðallagi.

Barcoli Bar. Uppskerumikið, þrautreynt hérlendis og hefur verið notað lengi. Hefur ævinlega hlotið góða dóma í tilraunum.

Barsica Bar. Svipar mjög til Barcoli.

Delta SW Lágvaxið og blaðríkt yrki. Gamalt og þrautreynt frá Svíþjóð

Emerald SES Gamalt og gott yrki sem er komið aftur á markað. Upphaflega frá Svíþjóð.

Hobson AS Blaðríkt yrki, hættir til að blómstra. Þetta yrki hefur náð miklum vinsældum hérlendis.

Interval Lim Uppskerumikið yrki sem svipar til Hobson en gefur meiri uppskeru.

Licapo DS Þýskt blaðríkt yrki sem enn er ekki fullreynt hér á landi.

Rampart LG Ekki ósvipað Hobson en enn ekki fullreynt hér á landi.

Fontan Gamalreynt uppskerumikið yrki en hættir til að blómstra

Fóðurmergkál

(Brassica oleracea var. acephala)

Afar kröftugt og uppskerumikið í góðu sumri, en sprettur seint og verður áfallasamt þegar illa árar. Því hefur vetrarrepjan tekið við hlutverki þess að stórum hluta hérlendis. Sá þarf eins snemma og mögulegt er til að nýta sumarið. Þolir ekki mikið illgresisálag.

Grüner Angeliter ASP Þrautreynt yrki og hefur verið notað hér um langt árabil.

Maris Kestrel PBI Gamalt yrki og hefur reynst vel í tilraunum

Marrow Stem SISL Gamalt yrki og hefur reynst vel í tilraunum.

Fóðurnæpa (Brassica napus var. napobrassica)

Uppskerumikil tegund sem er ræktuð fyrir haustbeit handa kúm og sauðfé oft í blöndu með repju. Hefur takmarkað arfaþol og er viðkvæm fyrir kálflugu eins og aðrar káltegundir. Fóðurgildi næpu er mjög hátt en kenna þarf kúm og kindum að éta hana.

Civasto R EuroG. Tvílitna.

Marco EuroG. Ferlitna. Tiltölulega lítil hætta á stöngulmyndun.

Vollenda EuroG. Ferlitna. Tiltölulega lítil hætta á stöngulmyndun.

Fóðurhreðka (Raphanus sativus var. oleiformis pers.)

Mjög hraðvaxta tegund sem blómstrar snemma og tapar þá fóðurgildi sínu hratt. Yfirleitt ekki mælt með þessari tegund sem grænfóður nema við sérstakar aðstæður.

Siletina GSSG

Siletta Nova ASP

Fóðurflækja (Vicia sativa)

Á fyrri hluta 20. aldar voru gerðar margar og ítarlegar tilraunir með einærar belgjurtir til grænfóðurs. Áhugi vaknaði aftur á síðasta áratug aldarinnar. Fóðurflækju (hún er náskyld umfeðmingi) er ævinlega sáð með byggi eða höfrum, sem halda henni uppi. Niturtillífun flækjunnar kemur bæði henni sjálfri og svarðarnautum til góða, en steinefni þarf að bera á. Flækju þarf að smita með viðeigandi rótargerlum við sáningu eins og aðrar belgjurtir. Gefur mun minni uppskeru en fóðurertur.

Nitra Bar. Valið best þeirra yrkja sem reynd voru í tilraunum um aldamótin síðustu.

Fóðurerta (Pisum sativum)

Uppskerumest þeirra einæru belgjurta sem reyndar hafa verið í tilraunum og eina tegundin, sem verið hefur í notkun síðustu áratugi Fóðurertu er yfirleitt sáð með höfrum sem grænfóður eða sem heilsæði með kornbyggi. Fóðurertu má einnig sá einni en hættir til að leggjast (breytilegt eftir yrkjum) Henni þarf að sá dýpra en korni eða í 4-5 sentimetra dýpt til að hún róti sig vel. Niturnám ertunnar kemur bæði henni og svarðarnautum til góða, en steinefni þarf að bera á ásamt smá skammti af nitri við sáningu Ertu þarf að smita með viðeigandi rótargerlum við sáningu eins og aðrar belgjurtir.

Bohatyr Oseva Reynt í tilraunum með góðum árangri.

Timo SW Valið best þeirra yrkja, sem reynd voru fyrir og um aldamótin síðustu.

Tinker KWS Hefur ekki verið reynt í tilraunum. Tilgreint hér til vara. Hefur verið flutt inn og notað síðustu árin og ekki undan því kvartað.

Ingrid Mest ræktaða fóðurertan í Svíþjóð, uppskerumikil og frekar snemmþroska. Þarf engu að síður rúmlega 100 daga til að ná fullum þroska á hlýju sumri. Er enn í prófunum hér á landi.

Eso Næst mest ræktaða fóðurertan í Svíþjóð. Er aðeins fljótþroskaðri en Ingrid en uppskeruminni. Er enn í prófunum hér á landi.

Matilda Aðeins seinþroskaðra en Ingrid Er enn í prófunum hér á landi.

Einær fóðurlúpína (Lupinus spp.)

Með kynbótum hefur fóðurlúpínan verið losuð við beiskjuefni. Tvær tegundir eru notaðar af þessari einæru lúpínu, gul L. luteus og blá L. angustifolium. Þær tegundir voru reyndar ítarlega hérlendis fyrir og um aldamótin. Ekki fyrirfinnast á markaði eins og er yrki sem prófuð voru af þeirri gulu, reyndist hún þó ívið betri í tilraunum. Rótarkerfi lúpínunnar er mjög öflugt og virðist litla þörf hafa fyrir áburð af hverju tagi sem nefnist. Lúpína er jafnan ræktuð ein sér. Lúpínu þarf að smita með viðeigandi rótargerlum við sáningu eins og aðrar belgjurtir.

L. angustifolius (blá)

Sonet Poz. Valin best þeirra yrkja, sem reynd voru í tilraunum fyrir og um aldamótin síðustu.

Hestabaunir (Vicia faba)

Lítil reynsla er á ræktun og nýtingu hestabauna til fóðurs hér á landi. Bændur hafa þó verið að prófa sig áfram með þessa tegund á undanförnum árum Ekki er vitað nákvæmlega hvenær best er slá hestabaunirnar sem grænfóður en fullþroska eru þær mjög trénisríkar fyrir utan baunirnar. Hestabaunir eru beinvaxnar, seinþroska og gefa nokkuð minni uppskeru en fóðurertur. Mikilvægt er að sá þeim djúpt eða í 5-10 sentimetra dýpt til að þær nái að róta sig og til að forðast vorfrost sem þær eru viðkvæmar fyrir. Hestabaunir innihalda beiskjuefni sem geta rýrt lystugleika þeirra.

Into

Hávaxið finnskt yrki sem er enn í prófun hér á landi. Sampo Ekki eins hávaxið og Into en er að gefa svipaða uppskeru. Er enn í prófun hér á landi

Korn til þroska (Cereal crops)

Vorbygg er ríkjandi korntegund hér á landi enda sú norðlægasta sem völ er á og hefur mest verið kynbætt fyrir íslenskar aðstæður. Til er vetrarbygg en það ásamt vetrarhöfrum er með mjög lítið vetrarþol, minna en í hveiti eða rúgi og er ekki hægt að mæla með þeim í ræktun ennþá Hálm korntegundanna má nýta sem gróffóður, undirburð eða í svepparækt.

Vorbygg (Hordeum vulgare)

Sexraða bygg (6r) þroskast að jafnaði fyrr en tveggja raða bygg (2r). Sexraða bygg hefur aftur á móti að jafnaði veikt strá, brotnar í veðrum og leggst jafnvel. Að auki fellur kornið frekar úr axi að hausti í vindi samanborið við tvíraða bygg sem gerir það líka auðveldara í þreskingu. Því er sexraða bygg helst notað norðanlands, austan og vestan, einnig að hluta til í uppsveitum syðra. Tvíraða bygg er notað í lágsveitum syðra Tvíraða bygg gefur færri korn úr hverju axi en bætir það upp með meiri kornþunga og fleiri hliðarsprotum. Bygg til þroska þolir illa mikinn ágang gæsa og álfta bæði á vorin og haustin

Sexraða yrki:

Aukusti (6r) Bor. Fljótþroska, nokkuð hávaxið, hefur reynst nokkuð vel bæði í tilraunum og einnig í ræktun. Yrkið skilar álíka uppskeru og Brage og Wolmari en stráið er heldur viðkvæmara.

Brage (6r) Gram. Fljótþroska, nokkuð hávaxið, gefur mikla uppskeru og er í flestu álitlegt. Hefur reynst betur sunnanlands en önnur hávaxin sexraða yrki Er nokkuð þolið gagnvart sveppasjúkdómum.

Elmeri (6r) Bor. Miðlungi fljótþroska með stórt korn og hefur gefið góða uppskeru í hinum betri árum. Í köldu ári hefur það reynst miður. Veðurþol er furðumikið af sexraðayrki að vera.

Jalmari (6r) Bor. Er áþekkt öðrum finnskum yrkjum, tiltölulega fljótþroska án þess að slá öðrum finnskum yrkjum við, sama er að segja um uppskeruna Hefur komið vel út í frjórri jörð en Jalmari leggst frekar en að brotna.

Judit (6r) SW Mikið reynt gamalt yrki, fljótþroska en gefur eftir í uppskeru Getur farið illa í haustveðrum, sem gerir eftir að kornið er þroskað. Nær ekki nýjustu yrkjum í uppskerumagni. Judit er móttækileg fyrir sveppasjúkdómum.

Hermanni (6r) Bor. Ekki fullreynt nýtt yrki en sem kom mjög vel út í yrkjaprófunum 2020. Mikil uppskera og góð kornþyngd.

IsSmyrill (6r) LbhÍ Fljótþroska. Gefur meiri uppskeru en miðlungs til seinþroska sexraða yrki í meðal árum en minni uppskeru í góðum árum.

Trym (6r) Gram. Hefur staðið sig vel þegar á heildina er litið Uppskeran er mjög mikil og getur hæglega notið sín vel í bestu árum. Leggst ekki en getur brotnað.

Vertti (6r) Bor. Dæmigert finnskt yrki og líkist Hermanni en heldur uppskeruminna. Góð kornþyngd.

Wolmari (6r) Bor. Fremur fljótþroska uppskerumikið og reynist í heildina vel. Veðurþolið er ekki til vansa. Á líklega helst heima norðanlands en getur líka gengið í uppsveitum syðra. Wolmari leggst frekar en að brotna.

Tvíraða yrki:

Arild (2r) SW Þetta yrki var í fyrsta sinn í tilraunum 2016 og hefur reynst vel. Það er tiltölulega hávaxið en fljótast til þroska af erlendum tvíraða yrkjum, nokkuð seinna en Kría, en skilar góðri uppskeru. Hefur ekki verið prófuð hérlendis fyrir sveppasjúkdómum.

Filippa (2r) SW Tiltölulega seinþroska. Gefur undir meðallagi uppskeru en stórt og fallegt korn. Í haustrigningum hallast Filippa en brotnar síður en leggst nokkuð. Móttækileg fyrir sveppasjúkdómum.

IsKría (2r) LbhÍ Miðlungi fljótþroska. Kría hentar til notkunar víða um land síst þó á austanverðu Norðurlandi. Víðast er Kría valin vegna öryggis enda þroskast hún fyrr en önnur tvíraða yrki. Kría gefur þó minni hálm en hin tvíraðayrkin. Móttækileg fyrir sveppasjúkdómum.

Kannas (2r) SW Ívið fljótara til þroska en Filippa. Gefur að auki heldur meiri uppskeru. Er fallegt álitum og hefur ekki orðið fyrir áföllum af veðrum hingað til. Kannas hefur sýnt nokkurt þol gegn sveppasjúkdómum. Kornþungi Kannas jafnast ekki á við Filippu. Hefur reynst vel í sveppaárum.

Saana (2r) Bor. Seinþroska. Saana er einstaklega strásterkt og fallegt yrki og stendur vel langt fram eftir hausti Saana þarf langan vaxtartíma en þolir líka haustveðrin flestum yrkjum betur. Uppskeran er vel undir meðallagi. Hefur reynst vel í sveppaárum.

Vorhafrar (Avena sativa)

Vorhafrar eru seinni til þroska en bygg en gera aftur á móti ekki eins miklar kröfur til jarðvegs. Hafrar þola til að mynda þurrk betur en bygg. Hafrar henta best þar sem hægt er að sá mjög snemma og uppskera mjög seint eins og á söndum Suðurlands. Hafrar ná helst þroska á sandjörð og geta þá gefið mikla uppskeru. Venjulega lætur gæs og álft hafra í friði og eru þeir nokkuð þolgóðir í haustveðrum. Áburðarþörf er ívið minni en í byggi til þroska. Mörg og góð yrki eru í boði í grannlöndunum, einkum í Noregi og Finnlandi.

Akseli Bor. Nokkuð fljótþroska og álitlegt. Reyndist prýðilega í tilraun 2012, en hefur lítið verið í almennri ræktun.

Cilla SW Fljótþroska og nokkuð uppskerumikið yrki. Hefur verið aðalyrkið í ræktun undanfarin ár.

Dovre Gram. Uppskerulítið, einstaklega fljótt til að skríða og þroskast

Haga Gram. Ekki eins fljótþroska og yrkin hér á undan, en afar uppskerumikið. Þarf gott ár og hlýviðris sveit til að sýna sínar bestu hliðar.

Meeri Bor. Er fljótþroskaðra en Haga en gefur ekki eins mikla uppskeru í góðum árum.

Niklas Bor. Er fljótþroskaðra en Haga en gefur ekki eins mikla uppskeru í góðum árum.

Perttu Kom mjög vel út í yrkjaprófunum 2020 en er ekki fullreynt.

Ringsaker Gram. Uppkerumikið, en skilaði minni uppskeru en Haga í tilraun 2017.

Vorhveiti (Triticum aestivum)

Vorhveiti þarf langt og hlýtt sumar eða allt að því mánuði lengri vaxtartíma en fljótþroska bygg við íslenskar aðstæður. Ekki má búast við að það nái viðunandi þroska nema í allra bestu árum og í góðsveitum þar sem sumur eru löng. En hveiti stendur betur af sér haustveður en aðrar tegundir korns. Úrvalið af fljótþroska yrkjum af vorhveiti er mjög lítið.

Anniina Bor. Var áberandi fljótast til þroska í tilraunum 2009. Samkvæmt erlendum tilraunaniðurstöðum virðist yrkið vera fljótara en önnur vorhveitiyrki á markaði. Hefur verið notað dálítið hérlendis með þokkalegum árangri í bestu sumrum.

Bastian Gram. Næst fljótast í tilraunum 2009. Hefur líklega ekki verið notað til ræktunar hér enn sem komið er.

Wappu Bor. Sett hér til vara. Hefur ekki verið reynt í tilraunum, en er talið fljótþroska af yrkiseigendum.

Vetrarhveiti (Triticum aestivum)

Sáð í júlí - ágúst. Oft tvísýnt um hvernig hveitinu vegnar yfir veturinn, en ef það lifir, þá byrjar vöxturinn snemma. Kröfur til sumarhita eru því ekki eins miklar og hjá vorhveiti. Vetrarhveiti hentar einungis þar sem vetrarveðrátta er stöðug með litlum svellalögum og þar sem er góður sumarhiti

Arktika Bor. Vetrarþolið, uppskerumikið, miðlungi fljótþroska og hefur staðið sig vel í ræktun. Vart hefur orðið við að stráið sé veikt og því sé hættara við legu en öðru vetrarhveiti.

Björke SW Miðlungi vetrarþolið, en fljótþroska síðara árið. Hefur reynst viðunandi í ræktun hér. Uppskera í meðallagi.

Harnesk SW Sænskt yrki sem getur gefið ágæta uppskeru.

Magnifik SW Erlendar niðurstöður segja að þetta sé vetrarþolnasta yrkið á markaðnum. Í tilraunum hér hefur verið staðfest, að það sé með þeim þolnustu. Uppskerumikið, en fremur seint til þroska.

Stava SW Sænskt yrki sem gefið hefur mikla uppskeru hér á landi.

Urho Bor. Gamalt yrki, einstaklega vetrarþolið og fremur fljótþroska. Uppskera þó heldur í minna lagi. Hefur verið notað hér.

Vetrarrúgur (Secale cereale)

Sáð í júlí - ágúst. Rúgur er mun vetrarþolnari en vetrarhveiti og þar með ekki eins áhættusamur í ræktun. Hitaþörf síðara árið er þó ekki ólík því, sem er hjá hveiti. Rúgur er hávaxinn og getur gefið mikla kornuppskeru og mikinn hálm.

Reetta Bor. Hefur reynst vel bæði í tilraunum og ræktun. Er vetrarþolið og uppskerumikið yrki, en ekki sérlega fljótt til þroska.

Caspian SW Sett hér til vara. Hefur ekki verið reynt hér í tilraunum. Erlendis er það talið uppskerumikið og mælt er með því fyrir norðurhluta Svíþjóðar.

Olíujurtir (Oil crops)

Hér er eingöngu um að ræða tegundir af ættkvíslinni Brassica Annars vegar er það nepja (rybs á Norðurlandamálum, af sama stofni og næpa) og hins vegar repja (raps á Norðurlandamálum, af sama stofni og gulrófa). Af báðum tegundum eru til vetrar- og sumarafbrigði. Olían er hér fyrst og fremst nýtt til manneldis en einnig sem eldsneyti (lífdísel). Fræhratið sem verður eftir við olíuvinnsluna er mjög gott og próteinríkt fóður. Hálmurinn er góður undirburður.

Olíurepja (Brassica napus var. olifeira DC)

Getur gefið mun meiri uppskeru en nepja, ef veðurfar leyfir. En er viðkvæmari á öllum sviðum. Vetrarþol vetrarafbrigðanna er takmarkað og fara umhleypingar og langvinn svellalög verst með það. Öruggast er að rækta vetrarafbrigðin í innsveitum og þar sem sumarhiti er vel yfir meðallagi. Vetrarrepjan þarf frekar hlýtt sumar til að ná fullum þroska. Hitta verður á afbragðssumar, ef uppskera á að nást af sumarrepju þar sem sumur eru löng.

Vetraryrki:

Galileo SW Vetrarþol í meðallagi af repju að vera. Tiltölulega fljótt til þroska síðara árið. Hefur verið reynt hérlendis í tilraunum og notað eitthvað.

Rohan NP Hefur gefið góða raun í einni tilraun hérlendis.

Visby NP Hefur sömuleiðis gefið góða raun í einni tilraun hér á landi.

Sumaryrki:

Tamarin SW Hefur verið tvisvar í tilraunum hér og reynst skást reyndra yrkja. Vonir um þroska þess eru þó ekki miklar.

Trapper NP Þetta yrki var langbest í einni tilraun, en hefur ekki verið prófað oftar.

Olíunepja (Brassica rapa var. olifeira DC)

Vetrarafbrigðið gefur meiri vonir um þroska en sumarafbrigðið, því að það byrjar vöxtinn snemma vors. Eins gefur það von um meiri uppskeru. Á móti kemur sá áhættuþáttur, hvort vetrarafbrigðið lifi veturinn eða deyi drottni sínum. Vetrarþol er meira en í repju og lifir af venjulegan vetur hér á landi. Sumarnepja þarf mjög langan vaxtartíma til að þroska fræ eins og á láglendi víða sunnanlands í skjóli jökla. Sumarnepja gefur alla jafna minni uppskeru en vetrarnepja sem hefur lifað af veturinn og er því fyrr af stað á vorin Yrkjaframboð af olíunepju er mjög takmarkað.

Vetraryrki:

Largo SW Nokkuð vetrarþolið. Lifir best þar sem veðrátta er stöðug, annað hvort snjór og frost allan veturinn eða jöfn hlýindi. Ef vetrarnepjan lifir veturinn, á hún yfirleitt ekki í vandræðum með að ná þroska sumarið eftir.

Sumaryrki:

Cordelia Bor. Hefur að jafnaði gefið nýtilega uppskeru bæði í tilraunum og ræktun. Juliet Bor. Áþekkt undanfarandi yrki og jafnmikið reynt. Nokkurn veginn öruggt í ræktun, en uppskeruvonir ekki alltaf miklar.

Iðnaðarjurtir (industrial plants)

Iðnaðarhampur (Cannabis sativa)

Iðnaðarhampur er mjög hávaxin nytjaplanta sem er áburðarfrek og þarf langan vaxtartíma við íslenskar aðstæður til að ná ásættanlegri uppskeru. Best er að rækta hann á hlýjum og skjólgóðum stöðum í frjósömu landi því hann þolir illa vindálag og frost seinnihluta sumars og á haustin þegar hann hefur náð fullri hæð sem er rúmlega tveir metrar. Í seinni tíð hefur einungis ein yrkjatilraun verið gerð hér á landi og aðeins í eitt ár. Alls voru prófuð 5 yrki og reyndist ekki vera mikill munur á milli þeirra. Þess vegna lenda þau öll hér á þessum lista. Yrkin skiluðu þokklegri uppskeru sem var á bilinu 6,5-8,7 þurrefnistonn af hektara og þurrefnishlutfallið var á bilinu 22-28%. Hæðin var á bilinu 2,1-2,3 metrar eftir yrkjum.

Fedora FNPC Með mestu þurrefnisuppskeruna ásamt Ferimon.

Felina FNPC Með hæsta þurrefnishlutfallið ásamt Ferimon.

Ferimon FNPC Með hæsta þurrefnishlutfallið ásamt Felina og mestu þurrefnisuppskeruna ásamt Fedora af þessum yrkjum.

Futura FNPC Með næstminnstu þurrefnisuppskeruna af þessum yrkjum.

Santhica FNPC Með lægsta þurrefnishlutfallið og minnstu uppskeruna af þessum yrkjum.

Gras- og golfflatir ( turf grasses and greens)

Margar tegundir, sem notaðar eru í grasflatir í görðum húsa, á umferðareyjar og í almenningsgarða, hafa verið prófaðar í tilraunum hér á landi. Frá árinu 2007 hafa verið gerðar tilraunir í samstarfi við hin Norðurlöndin með tegunda- og yrkjaprófanir fyrir golfflatir. Út frá niðurstöðum þessara tilrauna og annarra hefur verið útbúinn norrænn listi með yrkjum sem mælt er með í grasflatir annars vegar og golfflatir hins vegar (www.scanturf.org) Golfflatayrkjunum er til viðbótar skipt upp í norður- og suðursvæði. Við mælum með því að þessi listi sé notaður þegar menn taka ákvarðanir um val á tegundum og yrkjum og sái ekki öðrum yrkjum í golfflatir en þeim sem eru tilgreind fyrir norðursvæðið. Í listanum eru einnig birtar einkunnir fyrir ýmsa eiginleika sem viðkomandi yrki hafa fengið í tilraununum og hægt er að raða yrkjunum eftir mismunandi eiginleikum.

Hér eru listaðar þær tegundir og yrki, sem hafa verið í prófunum hérlendis og reynst vel.

Túnvingull (Festuca rubra)

Í heildina hefur túnvingull lifað betur en aðrar tegundir í golfflötum hér á landi. Tvær undirtegundir túnvinguls hafa verið prófaðar, commutata og tricophylla. Túnvingull er ekki áburðarfrekur og hefur ágætt þol gagnvart sjúkdómum. Hann hentar því vel hér á landi.

Commutata

Bargreen Bar.

Barswing Bar.

Cygnus SW

Greensleeves DLFT

Linda Gram.

Musica Bar.

Olivia EuroG.

Tricophylla

Amarone DLFT

Baroyal Bar.

Cezanne Inno.

Corrida DLFT

Niola EuroG.

Viktorka Bar.

Língresi ( Agrostis)

Língresið hefur ekki reynst eins vetrarþolið og túnvingull hérlendis og einnig reynst viðkvæmara fyrir sveppasmiti. Língresi þarf meiri áburð en túnvingull.

Týtulíngresi (Agrostis canina)

Avalon SRO

Legendary DLFT

Vesper ScanS.

Villa Inno.

Hálíngresi (Agrostis capillaris)

AberRoyal ScanS.

Bardot Bar.

Jorvik DLFT

Leirin Gram.

Nor Gram.

Skriðlíngresi (Agrostis stolonifera)

CY-2 DLFT Reyndist betur en önnur yrki í tilraun á Korpu.

Independence Inno.

MacKenzie ScanS.

Vallarrýgresi (Lolium perenne)

Vallarrýgresi er fljótt til og þekur vel. Nokkur yrki voru í prófun hér. Það hefur ekki eins mikið vetrarþol og túnvingull og þarf meiri áburð.

Columbine DLFT

Mondial AS

Ronja SW Tekur flestum yrkjum fram árið eftir sáningu í Mið- og Norður-Noregi.

Snarrótarpuntur (Deschampsia caespitosa)

Barcamp Bar.

Skuggasveifgras (Poa supina Schrad.)

Supranova EuroG.

Vallarsveifgras (Poa pratensis)

Conni DLFT Þolið og gefur fallega flöt.

Julia Inno.

Sauðvingull (Festuca ovina L. var. duriuscula)

Crystal DLFT Þolið og gefur fallega flöt.

Útigrænmeti

( outdoor vegetables)

Kartöflur (Solanum tuberosum)

Fjöldi kartöfluyrkja er í boði. Útlend yrki, mörg hver, ná ekki að safna því þurrefnisinnihaldi á íslensku sumri að þau verði ákjósanlegar neyslukartöflur. Til heimilisnota henta því íslensku yrkin að jafnaði betur. Í annan stað þarf að finna yrki sem henta til framleiðslu á forsoðnum kartöflum. Til þess verður að skræla kartöflurnar hráar og augun verða því að vera grunn og það á ekki að jafnaði við um íslensku kartöflurnar.

Annabelle HZPC Valin úr tilraunum LbhÍ og Matís 2007-11. Heldur vatnskennd miðað við íslensku yrkin, grasið lítið, en ákaflega margar kartöflur og jafnstórar undir hverju grasi. Þykir einstaklega bragðgóð. Kartaflan er aflöng með grunn augu, en eitthvað sem minnir á krók á öðrum enda gerir hana illa hæfa til verksmiðjuvinnslu.

Belana EP Valin úr tilraunum LbhÍ og Matís 2007-11. Þurrefni með betra móti af útlendum kartöflum að vera, er þó ekki á við íslensku yrkin. Kartaflan þykir bragðgóð, yfirvöxtur er lítill. Kartaflan er ávöl og með grunn augu og hentar vel til verksmiðjuvinnslu.

Gullauga Í innlendri stofnrækt. Þurrefnisrík, þéttar kartöflur með nokkuð djúpum augum, grasið með meira móti. Bragðið er vellátið og kunnuglegt, enda er Gullauga undirstaðan í kartöfluræktun til matar hér á landi og skilar öruggri uppskeru.

Helga (Rautt Gullauga) Í innlendri stofnrækt. Yrkið telst vera rautt litarafbrigði af Gullauga og er ekki frábrugðið því á annan hátt.

Premiere Í innlendri stofnrækt. Þurrefni ekki eins mikið og í íslensku yrkjunum þremur, grasið lítið. Bragðið svolítið sérkennilegt og ekki við allra hæfi. Kartöflurnar vænar og vellagaðar með grunn augu.

Rauðar íslenskar Í innlendri stofnrækt. Þurrefnisríkar og bragðgóðar, grasið áberandi mikið. Ræktaðar hér við órofa vinsældir í 250 ár. Liturinn er rauður og augun djúp. Yrkið hentar því ekki til verksmiðjuvinnslu, en gefur þeim mun betri neyslukartöflur.

Gulrófur (Brassica napus, var. napobrassica)

Gulrófur voru lengi mikilvæg ræktunarjurt. Þótt dregið hafi úr gulrófnarækt skiptir hún enn máli. Ræktuð voru hér mörg staðbrigði af rófum framan af 20. öld. En þegar rófur eru ræktaðar til fræs utandyra, þá er mikil hætta á blöndun við skyld afbrigði, svo sem repju, sem er í raun sama tegund og gulrófan. Þetta kom greinilega fram, þegar farið var að rækta fræ af íslenskum gulrófum í Danmörku til sölu. Gulrófu yrki eru ekki til á opinbera sáðvörulista ES og ekkert yrki er skráð á Íslandi.

Maríubakkarófa LbhÍ Sama rófa og nefnd var Kálfafellsrófa um miðja síðustu öld. Er fremur smá, en vellöguð og þykir einstaklega bragðgóð. Einkennist af því að kálið er fyrirferðarlítið og liggur flatt, en rís ekki upp. Stofnfræ er til, en ekki er framleitt fræ af Maríubakka rófu eins og er.

Sandvíkurrófa HJ Úrval úr íslenskum gulrófum eins og þær voru orðnar um 1980 eftir margra kynslóða frærækt í Danmörku. Rófan er meðalstór, vellöguð og þykir bragðgóð. Kálið upprétt. Fræ er ræktað í gróðurhúsi hérlendis og fræmæður valdar af kostgæfni.

Vige Log Stórvaxin gulrófa af Þrándheimskyni. Sögð þægileg í ræktun og meðförum og skilar mikilli uppskeru. Rófurnar eru dálítið beiskar, en bragðið fellur neytendum í geð. Stendur undir bróðurpartinum af gulrófuræktun hérlendis. Blaðmikil, hentar vel í vélupptöku.

Vigod Log Úrval af Vige stofni sem skilur sig úr með kröftugri vöxt en Vige.

Hvítkál (Brassica oleracea var. capitata)

Parel Bejo Gamalt yrki. Fljótvaxið sumarkál.

Jetma RZ Fljótvaxið sumarkál.

Castello Haz. Seinvaxið kál sem hentar til geymslu.

Blómkál (Brassica oleracea var. botrytis)

Momentum SVS Fljótvaxið.

Arizona SVS Seinvaxið og uppskerumikið.

Freedom SVS Seinvaxið og uppskerumikið.

Flamenco Bejo Seinvaxið, uppskerumikið. Stuttur uppskerutími.

Spergilkál (Brassica oleracea var. silvestris)

Aquiles Sak. Fljótvaxið.

Ironman SVS Seinvaxið.

Marathon Sak. Seinvaxið.

Kínakál (Brassica rapa var. pekinensis)

Manoko Bejo Fljótvaxið sumarkál.

Bilko Bejo Seinvaxið kál sem hentar til geymslu.

Grænkál (Brassica oleracea var. acephala)

Reflex Bejo

Oldenbor Bejo Nýtt yrki, betrumbætt Reflex.

Gulrætur (Daucus carota)

Napoli Bejo Fljótvaxnar, hentar í sumarsölu.

Namdal Bejo Haustgulrót, hentar til vetrargeymslu.

Romance Nun. Haustgulrót, hentar til vetrargeymslu.

Ber (Berries)

Jarðarber (Fragaria x ananassa) Útiræktun jarðarberja er möguleg hér á völdum stöðum. Gróðurreitir og akrýldúkur flýta fyrir uppskeru. Yfirbreiðsla yfir blómgunartíma veldur lélegri frjóvgun. Yrkjunum er raðað eftir því hve fljótt þau þroska ber, þau fyrstu frá um 20/7–20/8. Hin seinni frá því um 30/7- og fram í frost.

Glima Norskt Snemmþroska harðgert yrki. Planta fremur smá. Ber miðlungsstór, vel löguð, bragðgóð með súrum keim. Þroskar ber frá um 20/7. Uppskerumikil allt að 500 gr. á plöntu.

Jonsok Norskt Harðgert yrki meðalsnemmþroska en seinna en Glima. Þolið gegn mjöldögg og grámyglu. Ber meðalstór.

Zephyr Danskt Harðgert yrki, litlar plöntur. Fremur snemmþroska. Ber meðalstór til stór með súrum keim. Viðkvæm fyrir mjöldögg.

Korona Hollenskt Stórar uppréttar plöntur. Seinþroska. Þroskast illa í köldum árum. Ber mjög stór og vel löguð, sæt og bragðmikil. Plöntum hættir við kali.

Bounty Kanadískt Plöntur stórar. Hefur reynst vel í útiræktun í Eyjafirði. Frekar seinþroska. Berin eru stór, vel löguð, sæt og dökkrauð.

Rifsber (Ribes×pallidum og Ribes rubrum)

Rifsber eru samheiti á bæði tegundum og tegundablendingum.

Jonkheer van Tets, R. rubrum Hollenskt yrki. Harðgert á Suðurlandi og gefur góða uppskeru á skjólsælum stöðum. Gaf álíka eða betri uppskeru en Rauð hollensk í tilraunum á Möðruvöllum í Hörgárdal en kól meira. Langir berjaklasar og stór ber.

Hvít hollensk, R×pallidum Með gulhvít ber og sætari á bragðið en Rauð hollensk. Harðgert á Suðurlandi og gefur ágæta uppskeru í skjóli.

Rauð hollensk, R×pallidum Gamalreynt yrki sem hefur verið í ræktun á Íslandi frá a.m.k. um 1830. Þroskar ber vanalega um og eftir mánaðarmót ágúst/september. Uppskera getur brugðist norðanlands í köldum sumrum.

Sólber (Ribes nigrum)

Fjöldi gamalla og nýrra yrkja af sólberjum gefur kost á að velja yrki eftir þroskatíma berja, bragði, stærð og hentugleika til notkunar. Bragð og þéttleiki sólberja er mjög mismunandi og henta því ýmist til sultugerðar, frystingar eða að vera etin beint af runnanum. Þroskatími er frá lokum júlí til loka ágúst.

Jänkisjärvi Finnskt Upprétt vaxtarlag. Snemmþroska, mjög harðgert yrki sem hentar vel norðanlands og austan en er hætt við að lifna snemma og lenda í seinum vorhretum sunnanlands. Mikil uppskera og stór ber.

Melalahti Finnskt Upprétt og sterklegt vaxtarlag. Mjög harðgert og snemmþroska yrki. Mikil og góð reynsla. Getur kalið í kaldari sveitum og köldum árum norðanlands og austan. Berjaklasar þroskast missnemma á greinum en þeir fyrstu eru mjög snemmþroska, hefur því nokkuð langan uppskerutíma. Ber góð til neyslu beint af runna. Hentar ekki til berjaframleiðslu, en vel í heimilisgarða, útivistarskóga og á skólalóðir.

Nikkala XI Sænskt Mjög harðgert yrki en runninn er nær jarðlægur og þarf að binda greinarnar upp. Mikil og stór ber. Gefur mjög mikla uppskeru en þroskar nokkuð seint. Uppskerumest sólberjayrkja á Möðruvöllum í Hörgárdal.

Polar Dafo Runni uppréttur. Hefur reynst öruggur á höfuðborgarsvæðinu. Ónæmur fyrir mjöldögg og blóm þola næturfrost. Meðalstórir klasar með stórum berjum sem þroskast snemma og jafnt. Mikil uppskera. Berin bragðdauf en henta til sultugerðar og stórframleiðslu.

Storklas Sænskt Var kynnt sem endurbætt yrki af Öjebyn í Svíþjóð. Runni uppréttari en Öjebyn en greinar leggjast undan þegar berin þroskast. Ónæmur fyrir mjöldögg. Ber mjög stór, en þroskast nokkuð seint. Berin eru bragðgóð, nokkuð súr og með þykku hýði, henta vel til frystingar og sultugerðar. Góð reynsla á höfuðborgarsvæðinu.

Sunderbyn II Sænskt Snemmþroska og harðgert yrki, ónæmt fyrir mjöldögg. Líklega harðgerasta yrkið fyrir kaldari sveitir norðanlands og austan en er hætt við að lifna snemma og lenda í seinum vorhretum sunnanlands. Uppskera nokkuð mikil. Ber frekar smá.

Öjebyn Sænskt Runni uppréttur en greinar leggjast nokkuð mikið niður sérstaklega í niturríkum jarðvegi. Ónæmt fyrir mjöldögg. Getur kalið í kaldari sveitum og köldum árum norðanlands og austan. Blómgast seint og þroskar ber jafnt en fremur seint. Ber stór, bragðmikil og góð Hentar vel í heimilisgarða.

Stikilsber (Ribes uva-crispa)

Þroska ber nokkru síðar en rifs, oft ekki fyrr en upp úr miðjum september. Ná ekki þroska í öllum árum. Þau yrki sem ræktuð eru hérlendis eru blendingar milli amerísks stikilsbers (Ribes hirtellum) og evrópsks (Ribes uva-crispa)

Hinnomäki gul Einnig kallað Hinnonmäen Keltainen. Þolinn gegn mjöldögg. Ber gulgræn með þunnu hýði. Sæt og góð fersk.

K. F. Packalen Ber gulgræn til græn. Góð uppskera á höfuðborgarsvæðinu.

Lepaan Punainen Uppréttur og nokkuð hávaxinn. Nær árviss og mikil uppskera sunnan- og vestanlands. Þolinn gegn mjöldögg. Stór brúnrauð ber.

Landgræðslutegundir (Land reclamation species)

Við uppgræðslu þarf að velja tegundir og yrki með hliðsjón af aðstæðum og markmiði uppgræðslunnar. Svæði sem á að græða einkennast oft af frostlyftingu og næringarskorti og markmiðið er að binda yfirborðið. Sömu yrki geta líka hentað til ræktunar grasflata, þar sem ekki er búist við mikilli umhirðu.

Ef óskað er eftir þekju samsumars má nota skammlífari tegundir og yrki úr túnræktar- og gras-flatalista. Þau munu hopa fyrir innlendum gróðri.

Túnvingull (Festuca rubra)

Angela DLFT Ekki prófað á Íslandi.

Center Inno. Ekki prófað á Íslandi.

Cindy Inno. Ekki prófað á Íslandi.

Frigg Gram. Uppskerulítið yrki, fremur gisið. Talið geta komið í stað Leik í Noregi. Ekki prófað á Íslandi.

Koket AS Álitlegt skv. norskum tilraunum. Fremur uppskerumikið. Ekki prófað á Íslandi.

Leik Gram. Öflugt yrki til uppgræðslu, en verður gisið þar sem frostlyfting er.

Sámur LbhÍ Myndar góða þekju og hamlar frostlyftingu sæmilega.

Wilma SW Ekki prófað á Íslandi.

Vallarsveifgras (Poa pratensis)

Fylking SW Harðgert og þurrkþolið og myndar þéttan svörð.

Lavang Gram. Harðgert og þurrkþolið og myndar þéttan svörð.

Beringspuntur (Deschampsia beringensis Hult.)

Beringspuntur hefur reynst næstur melgresi í þoli á sandsvæðum. Hann er þurrk- og vetrarþolinn, en þolir frostlyftingu illa.

Origin Norcoast LbhÍ

Melgresi (Leymus arenarius L. Hochst.)

Fræi er safnað af nokkrum staðarafbrigðum og notað til að hefta sandfok.

Snarrótarpuntur (Deschampsia caespitosa)

Snarrót er ekki eftirsóknarverð í tún. Hún getur hins vegar auðveldlega sáð sér inn í tún bænda frá vegköntum. Þess vegna ætti ekki að nota hana á láglendi og ekki á svæðum þar sem lítið er af henni. Ekki eru til viðurkennd yrki af snarrót. Fræ er tekið af staðarafbrigðum af ótilgreindum uppruna.

Sauðvingull (Festuca ovina L. var. duriuscula)

Sauðvingull myndar þétta gróðurmottu, sem bindur yfirborðið vel og hamlar frostlyftingu. Lítið bitinn er líður á sumarið. Sauðvingull hentar líka vel í grasflatir, þar sem umhirða er lítil. Quatro Inno. Fremur fljótt til og hamlar frostlyftingu vel. Ekki þolið við erfið skilyrði.

Viðauki I

Listi yfir framleiðendur/eigendur producers/owners of the varieties

AS Advanta Seeds BV, P.O. Box 1, 4410 AA Rilland, Holland.

ASP Asmus Soren Petersen, Postfach 6, 24976 Langballig, Þýskaland.

Bar. Barenbrug Holland B.V., P.O. Box 1338, 6501BHNijmegen, Holland.

Bejo Bejo Zaden BV, Warmenhuizen, 1749 ZH, Holland.

Bor. Boreal Plant Breeding, Myllytie 10, 31600 Jokioinen, Finnland.

BPG Bayerische Pflanzenzucht Gesellschaft EG & Co. KG Elisabethstrasse 38, 80796 Munchen, Þýskaland.

Ceb. Cebeco Zaden B.V., Lisdoddeweg 16, Lelystad, 8219 PR, Holland.

Dafo Dansk Forskning, Udkærsvej 15, Skejby, DK 8200, Århus N.

DvP Departement voor Plantengenetica en veredeling (DvP), Caritasstraat 21, Melle, Belgíu.

DLFT DLF-Trifolium A/S, P.O. Box 19, Højerupvej 31, 4660 Store Heddinge, Danmörk.

DS Deutsche Saatveredlung Lippstadt-Bremen GmbH zu Lippstadt

EP Europlant Pflanzenzucht GmbH, P.O. Box 1380, Lüneburg 21303, Þýskaland.

FNPC Féd. Nat. des Prod. de sem. de Chanvre, 20, rue Paul Ligneul. Lemans, F-7200, Frakkland.

EuroG. Euro Grass B.V., P.O. Box 26, 6590 AA Gennep, Holland.

Gram. Graminor AS, Björke Forsøksgård, N-2344 Ilseng, Noregur.

GSSG G. Schneider Saatzucht GmbH, Postfach 6, 24976 Grundhof, Þýskaland.

Haz. Hazera Seeds B.V. Made, 4920 AA. Holland.

HJ Hannes Jóhannsson, Stóru-Sandvík, 801 Selfoss, Ísland.

HZPC HZPC Holland B.V., Edisonweg 5, 8501 XG Joure, P.O.Box 88, 8500 AB Joure, Holland.

Inno. Innoseeds bv, c/o Højerupvej 31, DK 4660 Store Heddinge, Danmörk.

JZ J. Joordens Zaadhandel BV, Holland.

Kraj. Instytut Krajowych Wlokien Naturalnych, ul. Wojska Polskiego 71b,60-630 Poznan, Pólland.

KWS KWS LOCHOW GMBH, Postfach 11 97, 29296 Bergen, Þýzkaland.

LG Limagrain UK Ltd, Bretland

Log LOG, Postbox 141, Ökern, N-0580 Oslo, Noregur.

Lr Landgræðslan, Gunnarsholti, 850 Hella, Ísland.

Nun. Nunhems BV, Haelen, 6080 AA, Holland.

Nick. Nickerson Seeds Ltd, Joseph Nickerson Research Centre, Rothwell, Lincolnshire, England.

NP Norddeutsche Pflanzenzucht Hans-Georg Lembke KG, Hohenlieth, 24363 Holtsee, Þýzkaland.

Oseva Oseva UNI a.s., Chocen Na bile 1231, 565 14 Chocen, Tékkland.

PBI PBI Cambridge Ltd, Maris Lane, Trumpington, Cambridge, CB2 2LQ, England.

Poz. Poznanska Hodowla Roslin Sp.zoo, z/s w Tulcach 250 B, ul. Kasztanowa 5,63-004, Tulce, Pólland.

LbhÍ Landbúnaðarháskóli Íslands, Keldnaholti, 112 Reykjavík, Ísland.

Lima Limagrain UK Ltd, FAO R Brewster, Market Rasen, Rothwell, Lincs, LN 76DT, Bretland.

R2n R2n, BP 3336, Rodex Cedex 09, 12033, Frakkland.

RVS Rå videregående skole, avd. naturbruk, Laskenvn. 3, Borkenes, N-9475, Noregur.

RZ Rijk Zwaan Zaadteelt en Zaadhandel B.V., Postbus 40, De Lier, 2678 ZG, Holland.

Sak. Sakata Holland BV, Aalsmeer, 1430 AE, Holland.

SeCan SeCan Association, 400-300 Terry Fox Drive, Kanata, Ontario K2K 0E3, Kanada

SeCan1 Joseph Nyachiro, Alberta Agriculture and Rural Development, Lacombe, Alberta, Kanada.

SeCan2 Patricia Juskiw, Alberta Agriculture and Forestry, Lacombe, Alberta, Kanada.

SES SESVanderHave NV/SA, Belgía

SISL Sharpe’s International Seeds Ltd, Boston Road, Sleaford, Lincs., NG34 7HA, England.

SRO Seed Research of Oregon Inc., P.O. Box 1416, CORVALLIS, Oregon 97339, USA

SS Smith Seed Services, Halsey, Oregon, USA.

SVS SVS Holland BV, Postbus 22, Enkhuizen, 1600 AA, Holland.F

SW Lantmännen SW Seed AB, S-268 81 Svalöv, Svíþjóð.

TG Tollef Grindstad,1890 Rakkestad, Noregur.

Viðauki II

Sáðmagn helstu tegunda (seed rates for species)

Í flestum tegundum hafa engar eða mjög fáar sáðmagnstilraunir verið gerðar hér á landi. Ráðlagt sáðmagn byggir því mest á erlendum heimildum.

Tegundir í grasflatir

Viðauki III

Yrki túngrasa í tilraunum (grass varieties in experiments) frá 1986

Eftirtalin yrki voru prófuð í tilraunum LbhÍ, Rala og Lbh árin 1986–2018 Ártölin eru sáningarár tilrauna. Niðurstöður hafa verið birtar í ritum um jarðræktarrannsóknir, Riti LbhÍ og Fjölriti Rala.

Tágavingull (Stórvingull) (Festuca arundinacea Schreb.)

Viðauki IV

Sáðvörulistar Evrópska efnahagssvæðisins (EU – plant variety database)

Eftirfarandi slóð gefur upplýsingar um öll yrki sem samþykkt eru á Evrópska efnahagssvæðinu:

http://ec.europa.eu/food/plant/plant_propagation_material/plant_variety_catalogues_databases/search/public/index.cfm

Yrkjalistinn fyrir Ísland sérstaklega hefur þó ekki verið uppfærður lengi.